पुणे (विशेष प्रतिनिधी):काँग्रेस नेते राहुल गांधी यांच्या प्रमुख उपस्थितीत आज पुणे येथे आयोजित करण्यात आलेल्या ‘छात्रों की गूँज’ या विशेष कार्यक्रमाला तरुणाईचा प्रचंड प्रतिसाद लाभला. सोलापूर लोकसभा मतदारसंघाच्या खासदार प्रणिती शिंदे यांच्या नेतृत्वाखाली सोलापूरहून हजारो विद्यार्थी, विद्यार्थिनी आणि ‘Gen Z’ तरुण-तरुणी मोठ्या संख्येने पुण्यात दाखल झाल्याने कार्यक्रम परिसरात उत्साहाचे वातावरण निर्माण झाले होते.
विद्यार्थ्यांचे ज्वलंत प्रश्न, करिअरच्या संधी, बेरोजगारी आणि नव्या भारताच्या अपेक्षांना थेट व्यासपीठ मिळवून देण्यासाठी या विशेष संवादाचे आयोजन करण्यात आले होते. सोलापूरच्या तरुणाईने खासदार प्रणिती शिंदे यांच्या नेतृत्वावर विश्वास दाखवत या कार्यक्रमासाठी उत्स्फूर्त गर्दी केली.
घोषणांनी परिसर दणाणला, सेल्फीसाठी गर्दीकार्यक्रमस्थळी दाखल होताच सोलापूरच्या तरुणांनी जोरदार घोषणाबाजी केली.”देश का नेता कैसा हो… राहुल गांधी जैसा हो!””छात्रों की गूँज… विद्यार्थ्यांचा आवाज!””देश की आंधी… राहुल गांधी!”अशा विविध घोषणांनी संपूर्ण परिसर दणाणून सोडला. तरुणांचा हा जोश आणि ऊर्जा पाहण्यासारखी होती.कार्यक्रमाच्या ठिकाणी खासदार प्रणिती शिंदे यांनी उपस्थित विद्यार्थ्यांशी संवाद साधत त्यांचा उत्साह वाढवला.
यावेळी तरुणाईमध्ये खासदारांसोबत सेल्फी घेण्यासाठी मोठी चढाओढ पाहायला मिळाली. सोलापूरच्या युवकांनी दाखवलेला हा एकजूट आणि उत्साह संपूर्ण कार्यक्रमात लक्षवेधी ठरला.
