सोलापूर : Phoenix Care Foundationच्या सामाजिक बांधिलकीतून सोलापूर जिल्ह्यातील उपचाराधीन ५० क्षयरुग्णांना दत्तक घेऊन पोषण आहाराच्या ‘फूड बास्केट’चे वाटप करण्यात आले. जिल्हा परिषदेचे मुख्य कार्यकारी अधिकारी कुशल जैन यांच्या हस्ते हा उपक्रम पार पडला.
क्षयरोगाच्या उपचारात औषधांसोबतच सकस व पौष्टिक आहाराचीही महत्त्वाची भूमिका असते. त्यामुळे समाजातील दानशूर व्यक्ती, सामाजिक संस्था आणि उद्योजकांनी पुढे येऊन क्षयरुग्णांना दत्तक घ्यावे आणि त्यांच्या उपचारासोबत पोषणाचीही साथ द्यावी, असे आवाहन मुख्य कार्यकारी अधिकारी कुशल जैन यांनी यावेळी केले.
या कार्यक्रमास Phoenix Care Foundationच्या तनुजा शेख, जिल्हा आरोग्य अधिकारी डॉ. सतीश कोपूरवाड, जिल्हा क्षयरोग अधिकारी डॉ. मोहन शेगर यांच्यासह आरोग्य विभागातील अधिकारी व इतर मान्यवर उपस्थित होते.#InfoSolapur #ESolapur #ZPSolapur
